છગન જમીન પર માથું રાખીને અને પગ ઉપર રાખીને ઊભો હતો. મગન : અરે આમ ઊંધો કેમ ઉભો છે?પછી છગને એવો જવાબ આપ્યો કે તમને ૧૦૦% ખડખડાટ હસવું આવશે

જોક્સ-૧

પતિ (પત્નીને) : આ તે કંઈ રસોઈ બનાવી છે? સાવ રદ્દી!

હું એક કોળિયો પણ ખાઈ શકું તેમ નથી. હું હોટેલમાં જઈને ખાઈ લઈશ.

પત્ની : દસ પંદર મિનિટ તો થોભી જાવ.

પતિ : શું પંદર મિનિટમાં તું બીજી રસોઈ તૈયાર કરી નાખીશ?

પત્ની : ના, પંદર મિનિટમાં, હું પણ હોટેલમાં આવવા તૈયાર થઈ જાઉં.

જોક્સ-૨

એક દિવસ પતિએ તેની પત્નીને દારૂ ચખા ડ્યો.

પત્ની : છી… આ તો કેટલો કડવો છે.

પતિ : તો તને શું લાગ્યું કે હું જલસા કરું છું…. હું ઝેરનાં કડવા ઘુંટ પીઉં છું.

જોક્સ-૩

કાકા : “એલાવ! ડૉકટર સાહેબ!  જલદી આવો મારી પત્નીને એપેન્ડિકસનો દુઃખાવો ખુબ જ ઉપડયો છે.

ડૉક્ટર : “કાકા, એ કેમ બને? મેં એમનું એપેન્ડિકસનું ઓપરેશન એક વાર કર્યું હોવાથી, બીજી વાર એ થાય જ નહીં!”

કાકા : “એપેન્ડિક્સ બીજી વાર નહીં થાય પરંતુ તારી કાકી તો બીજી હોય ને?”

જોક્સ-૪

જો તમારું પેટ બહાર આવી રહ્યું છે, તો ગભરાશો નહીં…

કારણ કે એર બેગ હંમેશા લક્ઝરી કારમાં જ હોય છે.

જોક્સ-૫

ડોક્ટર : જુઓ, તમારે થોડા મહિના માટે માથાને લગતી મગજમારી કરવાની નથી!

મોહન : પણ સાહેબ! માથા પર તો મારા જીવનનો આધાર છે!

ડોક્ટર : “તમે કોઈ લેખક કે વૈજ્ઞાનિક છો.

મોહન : ના સાહેબ! હું તો ફકત એક હજામ છું!

જોક્સ-૬

મોન્ટુ દારૂ પીને ગાડી ચલાવતો હતો.

અચાનક કાર થાંભલા સાથે અથડાઈ હતી

પોલીસ : બહાર નીકળ.

મોન્ટુ : માફ કરજો સર.

પોલીસ : હવે પછી દારૂ પીને ગાડી ચલાવશે?

મોન્ટુ : અરે ના સર, મેં તો પહેલાથી ઘણું દારૂ પીધું છે, હજી કેટલું પીવડાવશો.

જોક્સ-૭

મધરાતે રમેશે તેની ગર્લફ્રેન્ડ પિંકીના ઘરનો દરવાજો ખખડાવ્યો.

પિંકી : કોણ છે?

રમેશ : હું?

પિંકી : હું કોણ છું?

રમેશ : અરે મુર્ખ, તું પિંકી બીજું કોણ.

જોક્સ-૮

એકવાર એક છોકરીએ ભગવાન પાસે માંગ્યું,

હે ભગવાન એક સ્માર્ટ છોકરાને મારો બોયફ્રેન્ડ બનાવો.

ભગવાને કહ્યું : જો તે સ્માર્ટ હશે તો આ બધામાં નહીં પડે, દીકરી તું ઘરે જા અને ભણવામાં ધ્યાન આપ.

જોક્સ-૯

છગન જમીન પર માથું રાખીને અને પગ ઉપર રાખીને ઊભો હતો.

મગન : અરે આમ ઊંધો કેમ ઉભો છે?

છગન : મેં હમણાં જ માથાના દુ:ખાવાની દવા લીધી છે, તે પેટમાં ન જાય એટલા માટે ઊંધો ઉભો છું.

જોક્સ-૧૦

પહેલીવાર ઉપવાસ રાખતી છોકરીએ પૂછ્યું,

પંડિતજી, સાદા પાણીને બદલે પાણીપુરીનું પાણી પીયે તો ચાલશે?

પંડિતજીને ચક્કર આવી ગયા.

જોક્સ-૧૧

માસ્તર (ચીકુને) : તારા અંગ્રેજીમાં આટલા ઓછા માર્ક્સ કેમ આવ્યા?

ચીકુ : તે દિવસે આવ્યો ન હતો.

માસ્તર : અરે, પરીક્ષાને દિવસે તું આવ્યો ન હતો તો આ પુરવણી કોણે લખી?

ચીકુ : અરે મારી બાજુ વાળો છોકરો આવ્યો ન હતો.

જોક્સ-૧૨

પત્ની : જો હું તમને છોડીને જતી રહું તો તમે શું કરશો?

પતિ : હું પાગલ થઈ જઈશ.

પત્ની : એટલે તમે બીજી વાર લગ્ન નહિ કરો ને?

પતિ : અરે પાગલ માણસ તો કંઈ પણ કરી શકે છે.

જોક્સ-૧૩

પહેલો કેદી : પોલીસે તને કેમ પકડ્યો?

બીજો કેદી : બેંક લૂંટ્યા પછી હું ત્યાં બેસીને પૈસા ગણતો હતો ને પોલીસે પકડી લીધો.

પહેલો કેદી : ત્યાં બેસીને પૈસા ગણવાની શી જરૂર હતી?

બીજો કેદી : ત્યાં લખ્યું હતું કે કાઉન્ટર છોડતા પહેલા પૈસા ગણી લો, પછી બેંક જવાબદાર નહીં હોય.

જોક્સ-૧૪

ગોલુ એકદમ ચિંતિત બેઠો હતો.

ભોલુ : શું થયું યાર?

ગોલુ : શું કહું, આજે કોઈએ કહ્યું કે જીંદગી ચાર દિવસની હોય છે.

ભોલુ : એ તો બધાને ખબર જ છે.

ગોલુ : પણ મેં ૮૪ દિવસનું રિચાર્જ કરાવ્યું છે બાકીના ૮૦ દિવસનું શું થશે.

જોક્સ-૧૫

પિતા : દીકરી તું મને પહેલા પપ્પા કહેતી હતી અને હવે ડેડી કહે છે. આવું કેમ?

દીકરી : અરે ડેડી તમે પણ શું…

પપ્પા કહેવામાં લિપસ્ટિક બગડી જાય છે એટલે.

પિતા બેભાન.

જોક્સ-૧૬

મગન : ડોક્ટર ક્યાં છે?

કંપાઉન્ડર : એ તો ઘરે છે. તમને શું થયું એ કહો?

મગન : કુતરું કરડ્યું છે.

કંપાઉન્ડર : બહાર બોર્ડ પર લખ્યું તે વાંચ્યું નહીં,

દર્દીને જોવાનો સમય સવારે ૧ થી ૧૧ નો જ છે અને તમે એક વાગે આવ્યા છો. પછી ડોક્ટર ક્યાંથી મળે.

મગન : હા, મેં વાંચ્યું હતું, પણ કુતરાએ વાંચ્યું ન હતું.