કોરોના કાળમાં આવી રીતે શુટ કરવામાં આવ્યો “ધ કપિલ શર્મા શો”, સોનુ સુદ અને કપિલ શર્માની સેટ પરની તસ્વીરો જુઓ

“ધ કપિલ શર્મા શો” નાં નવા એપિસોડનું શૂટિંગ થઇ ગયું છે અને આ એપિસોડમાં બોલિવૂડ એક્ટર સોનુ સૂદ મહેમાન કલાકાર તરીકે નજર આવશે. આ શો નું શૂટિંગ મંગળવારના કરવામાં આવ્યું હતું અને આ શૂટિંગ સાથે જોડાયેલી તસવીરો સામે આવી રહી છે. જેમાં સ્પષ્ટ રીતે દેખાઈ રહ્યું છે કે આ શો ને કોરોના વાયરસને કારણે ખૂબ જ અલગ પ્રકાર થી શૂટ કરવામાં આવેલ છે.

વાયરલ થઇ રહી છે તસવીરો

“ધ કપિલ શર્મા શો” ની જે તસવીરો સામે આવી છે, તેમાં સોનુ સૂદ, કપિલ શર્મા અને શો સાથે જોડાયેલા અન્ય મેકઅપ કરતા લોકો પણ નજર આવી રહ્યા છે. વળી મેકઅપ કરવા સાથે જોડાયેલા લોકોએ પીપીઇ કીટ્સ પણ પહેરી રાખી છે, જેથી પુરી સુરક્ષાની સાથે મેકઅપ કરી શકાય. વળી આ શો ના સેટને પહેલા સંપૂર્ણ સેનિટાઈઝ કરવામાં આવેલ છે અને ત્યારબાદ જ તેનું શૂટિંગ શરૂ કરવામાં આવેલ હતું. તે સિવાય શો સાથે જોડાયેલા ક્રુ અને કાસ્ટનાં લોકોને પણ સેનિટાઈઝ કર્યા બાદ અંદર જવા દેવામાં આવે છે.

આ કારણને લીધે સોનુ સુદ ને શો પર બોલાવવામાં આવ્યા

સોનુ સૂદ દ્વારા કોરોના કાળમાં જે પ્રકારે લોકોની મદદ કરવામાં આવી તેની દરેક તરફથી પ્રશંસા થઈ રહી છે અને લોકડાઉન ખતમ થયા બાદ પણ સોનુ સૂદ લોકોની મદદ કરવામાં લાગેલા છે. સોનું સુદે હાલમાં જ એક ગરીબ પરિવારને ઘર આપવાની વાત પણ કરી હતી. સોનુ સૂદ તરફથી કરવામાં આવેલ સમાજ સેવાને કારણે તેમને આ શો નાં મહેમાન બનાવવામાં આવ્યા છે અને લોકડાઉન બાદ આપ પહેલા એપિસોડને ખાસ બનાવવા માટે તેમને શો માં બોલાવવામાં આવ્યા છે. વળી શો પર જતા પહેલા સોનુ સૂદે જણાવ્યું હતું કે તે મંગળવારનાં “ધ કપિલ શર્મા શો” નું શૂટિંગ કરશે અને તેનો એપિસોડ ટીવી પર ખૂબ જ જલ્દી પ્રસારિત કરવામાં આવશે.

નહિ બોલાવવામાં આવી ઓડિયન્સ

ધ કપિલ શર્મા શો માં ઓડિયન્સને બોલાવવામાં આવે છે, જે શો માં આવેલા મહેમાનો સાથે વાત કરે છે અને અલગ અલગ પ્રકારના સવાલ પૂછે છે. પરંતુ કોરોનાને કારણે આ શોનું શૂટિંગ ઓડિયન્સ વગર કરવામાં આવ્યું અને આવનારા સમયમાં પણ આ શોમાં ઓડિયન્સને બોલાવવામાં આવશે નહીં. વળી ઓડિયન્સ શો પર ના હોવાને કારણે કપિલ શર્માએ કહ્યું હતું કે તેઓ ઑડિયન્સને ખૂબ જ વધારે મિસ કરશે. ઓડિયન્સ હોવાથી એક અલગ પ્રકારની મજા શૂટિંગ દરમિયાન આવતી હતી.

કપિલ શર્માએ જણાવ્યું હતું કે શોનાં મેકર્સ દ્વારા પણ સુરક્ષાને ધ્યાનમાં રાખવામાં આવેલ છે અને સેટ ઉપર કોઈપણ પ્રકારનો ખતરો નથી. સેટને સતત ઓડિયન્સ કરવામાં આવી રહ્યો છે અને ઘણા બધા નિયમો પણ બનાવવામાં આવેલ છે. સમગ્ર યુનિટ સેટ પર પહોંચ્યા બાદ સૌથી પહેલાં પોતાના કપડા બદલવાના હોય છે અને ત્યારબાદ જ કામ શરૂ કરવામાં આવે છે.

મહત્વપૂર્ણ છે કે લોકડાઉન લાગ્યા બાદથી આ શોનું શૂટિંગ બંધ કરી દેવામાં આવ્યું હતું. હવે ફરીથી આ શોનું શૂટિંગ શરૂ થઈ ગયું છે. લોકડાઉન બાદ આ શોનો પહેલો એપિસોડ ૧ ઓગસ્ટનાં રોજ પ્રસારિત કરવામાં આવશે.