Posted by કોરોના વાયરસ મહામારીએ સમગ્ર દુનિયાની અર્થવ્યવસ્થાઓને ધ્વસ્ત કરી દીધી છે. તેવામાં પ્રધાનમંત્રી નરેન્દ્ર મોદી હાલના સમયને પણ ભારત માટે એક અવસરના રૂપમાં જોઇ રહ્યા છે. આ કડીમાં પ્રધાનમંત્રી નરેન્દ્ર મોદીએ રાષ્ટ્રને સંબોધન કરતા પહેલી વખત “લોકલ પર વોકલ” નું સૂત્ર આપ્યું છે. અમે તમને જણાવીશું કે આ નવા સૂત્રનો અર્થ શું છે.
કોરોના વાયરસ મહામારીના પ્રસાર પર અંકુશ લગાવવા માટે લાગુ કરવામાં આવેલ લોકડાઉનના ત્રીજા ચરણ સમાપ્ત થવાના પાંચ દિવસ પહેલા રાષ્ટ્રના નામે પોતાના સંબોધનમાં પ્રધાનમંત્રીએ કહ્યું હતું કે સંકટની સ્થિતિમાં “લોકલે” આપણને બચાવ્યા છે. સ્થાનીય સ્તર પર નિર્મિત ઉત્પાદન હોય આગળ વધવાનો રસ્તો દેખાડ્યો છે. આપણે તેમાંથી પોતાને આત્મનિર્ભર બનાવવાનો મંત્ર બનાવવો જોઈએ.
પ્રધાનમંત્રીએ કહ્યું કે “મેક ઇન ઇન્ડિયા” ને સશકત બનાવવાનું છે. આ બધું આત્મનિર્ભરતા અને આત્મબળથી જ સંભવ બનશે. તેમણે કહ્યું કે સમયની માંગ છે કે ભારત દરેક પ્રતિસ્પર્ધામાં જીતે. સરકાર જે આર્થિક પેકેજ ઘોષિત કરી રહી છે તેમાં અનેક જોગવાઈઓ કરવામાં આવી છે, જેનાથી ક્ષમતા વધશે અને ગુણવત્તા સારી બનશે. મોદીએ લોકલ ઉત્પાદનના મામલામાં ખાદી અને હેન્ડલુમનું ઉદાહરણ આપીને કહ્યું હતું કે “તમને મેં આ ઉત્પાદનો ખરીદવા માટેનો આગ્રહ કર્યો હતો, તો આ ઉત્પાદનોનું વેચાણ રેકોર્ડ સ્તર પર પહોંચી ગયું છે. તેનું ખૂબ જ સારું પરિણામ મળ્યું.”
પ્રધાનમંત્રી મોદીએ કહ્યું હતું કે એક વાયરસે સમગ્ર દુનિયાને વેરવિખેર કરી નાખે છે. સમગ્ર વિશ્વ જીંદગી બચાવવાની જંગમાં જોડાયેલ છે. આ માનવજાતિ માટે અકલ્પનીય છે. તેમણે કહ્યું હતું કે આપણે બચવાનું પણ છે અને આગળ વધવાનું પણ છે. આપણે પોતાનો સંકલ્પ વધારે મજબૂત કરવાનો રહેશે, જે આ સંકટ કરતાં પણ વિરાટ હશે.” મોદીએ સરકાર તરફથી અર્થવ્યવસ્થા માટે વિભિન્ન માટે ૨૦ લાખ કરોડ રૂપિયાના આર્થિક પેકેજની ઘોષણા કરતા કહ્યું હતું કે આપે જ ૨૦૨૦માં આત્મનિર્ભર ભારતને નવી ગતિ આપશે.
ઉલ્લેખનીય છે કે ભારતમાં કોરોના વાયરસ મહામારીની ઝડપ રોકવા માટે ૨૫ માર્ચથી જ લોકડાઉન કરવામાં આવેલ છે. કહેવામાં આવી રહ્યું છે કે દેશમાં લોકડાઉનને કારણે અર્થવ્યવસ્થાને ખૂબ જ મોટું નુકસાન થઈ રહ્યું છે. પરંતુ તેની વચ્ચે પ્રધાનમંત્રીએ એક નવી આશા જગાડવા માટે નવું સૂત્ર આપ્યું છે.