રશિયાએ દુનિયાની પહેલી કોરોના વાઇરસ વેક્સિન લોંચ કરી દીધી, વેક્સિનનો પહેલો ડોઝ રશિયાના રાષ્ટ્રપતિ પુતિનની દીકરીને આપવામાં આવ્યો

સમગ્ર દુનિયાને પાછળ છોડીને રશિયા સૌથી આગળ નીકળી ગયું છે. દુનિયાની પહેલી કોરોના વાયરસ વેક્સિન એપ્રુવ થઈ ગઈ છે. રશિયાના રાષ્ટ્રપતિ વ્લાદિમીર પુતિને મંગળવારે આ એલાન કર્યું હતું. તેમણે કહ્યું હતું કે રશિયામાં બનેલી પહેલી કોવિડ-૧૯ વેક્સિનને હેલ્થ મિનિસ્ટ્રી તરફથી એપ્રુવલ મળી ગયું છે. પુતિને એવું પણ જણાવ્યું હતું કે તેમની દીકરીઓને આ વેક્સિન લગાવવામાં આવી ચુકેલ છે.

આ વેક્સિનનો પહેલો ડોઝ રશિયન રાષ્ટ્રપતિ વ્લાદિમીર પુતિનની દિકરીઓને આપવામાં આવેલ હતો. રશિયન રાષ્ટ્રપતિએ કહ્યું, “આ સવારે દુનિયામાં પહેલી વખત કોરોના વાયરસ વિરુદ્ધ વેક્સિન રજીસ્ટર થઇ. તેમણે બધાને ધન્યવાદ કર્યો, જેમણે આ વેક્સિન પર કામ કર્યું છે અને કહ્યું હતું કે વેક્સિન બધા જ જરૂરી ટેસ્ટમાંથી પસાર થયેલ છે. હવે આ વેક્સિનને મોટા પ્રમાણમાં ઉત્પાદન માટે મોકલવામાં આવશે.

પોતાની દીકરીઓને પણ લગાવવામાં આવી વેક્સિન

રશિયાના રાષ્ટ્રપતિ વ્લાદિમીર પુતિને જાણકારી આપી હતી કે તેમની એક દીકરીને આ વેક્સિન લગાવવામાં આવી ચુકેલ છે. તેમણે કહ્યું હતું કે હવે તે સ્વસ્થ મહેસુસ કરી રહી છે અને કોઈપણ પ્રકારની સાઈડ ઈફેક્ટ નથી. તેમણે કહ્યું હતું કે પહેલી વેક્સિન બાદ તેમનું તાપમાન ૩૮ ડિગ્રી સેલ્સિયસ હતું, ત્યારબાદ ૩૭ ડિગ્રી થોડું ઓછું હતું. હવે તે બિલકુલ સ્વસ્થ છે.

કોને મળશે સૌથી પહેલો ડોઝ?

રશિયાના સ્વાસ્થ્યમંત્રી મિખાઇલ મુરાશકોનાં જણાવ્યા અનુસાર, આ મહિનાથી હેલ્થવર્કર્સને વેક્સિન આપવાની શરૂઆત થઈ શકે છે. રશિયામાં સૌથી પહેલાં ફ્રન્ટલાઈન હેલ્થ વર્કર્સને કોરોનાની વેક્સિન આપવામાં આવશે, ત્યારબાદ સિનિયર સિટિઝન્સને આપવામાં આવશે.

ક્યાં સુધીમાં માર્કેટ આવી જશે આ વેક્સિન?

હાલમાં આ વેક્સિનનાં લિમિટેડ ડોઝ તૈયાર કરવામાં આવ્યા છે. રેગ્યુલેટરી એપ્રુવલ મળી ચૂક્યું છે તો હવે આ વેક્સિનનું ઇંડસ્ટ્રિયલ પ્રોડક્શન સપ્ટેમ્બરથી શરૂ થઈ શકે છે. રશિયાનું કહેવું છે કે તે ઓક્ટોબર થી દેશભરમાં વેક્સિન લગાવવાની શરૂઆત કરી શકે છે.

દુનિયામાં પહેલા કોને મળશે આ વેક્સિન?

રશિયા દુનિયાભરમાં વેક્સિન સપ્લાય કરવાની વાત તો કરી પરંતુ ઘણા દેશો તેને લઈને હજુ અચકાઈ રહ્યા છે. પશ્ચિમી દેશો સહિત વર્લ્ડ હેલ્થ ઓર્ગેનાઇઝેશન (WHO) ચિંતા વ્યક્ત છે કે પર્યાપ્ત ડેટા વગર વેક્સિન સપ્લાય કરવી યોગ્ય નહીં હોય. યુનાઇટેડ કિંગડમે સ્પષ્ટ કહ્યું છે કે તે પોતાના નાગરિકોને રશિયાની વ્યક્તિના ડોઝ આપશે નહીં. તેમાં બની શકે છે કે શરૂઆતના સમયમાં વેક્સિન અન્ય દેશોમાં મોકલવામાં ન આવે. રશિયાની સામાન્ય જનતા પર વેક્સિનની અસર જોયા બાદ બાકીના દેશ તેના પર કોઈ નિર્ણય લઈ શકે છે.

કેટલી હશે આ વેક્સિનની કિંમત?

રશિયાની એજન્સી TASS જણાવ્યા અનુસાર રશિયાના વેક્સિન “ફ્રી ઓફ કોસ્ટ” ઉપલબ્ધ થશે. તેના પર આવનાર ખર્ચ દેશના બજેટમાંથી પૂરો કરવામાં આવશે. બાકી દેશો માટે કિંમતનો ખુલાસો હાલમાં કરવામાં આવેલ નથી.

શોધકર્તાઓએ પણ પોતાને લગાવી આ વેક્સિન

મોસ્કોના ગામેલીયા રિસર્ચ ઇન્સ્ટિટ્યૂટે એડીનોવાયરસને બેસ બનાવીને આ વેબસાઇટ તૈયાર કરી છે. શોધકર્તાઓનો દાવો છે કે વેક્સિનમાં જે પાર્ટિકલ્સનો ઉપયોગ કરવામાં આવેલ છે તે પોતાને રેપ્લિકેટ (કોપી) નથી કરી શકતા. રિસર્ચ અને મેન્યુફેક્ચરિંગ માં સામેલ ઘણા લોકોએ પોતાને આ વેક્સિનનાં ડોઝ આપેલ છે. અમુક લોકોને આ વેક્સિનનો ડોઝ આપવા પર તાવ આવી શકે છે, જેના માટે પેરાસીટામોલનો ઉપયોગ કરવાની સલાહ આપવામાં આવેલ છે.

દુનિયામાં હજુ ટ્રાયલ ચાલી રહ્યા છે

રશિયાએ જ્યાં એક તરફ વેક્સિન લોન્ચ કરી દીધી છે, વળી બાકીની દુનિયામાં હજુ કોરોના વાયરસ વેક્સિન પર ટ્રાયલ ચાલી રહ્યા છે. અમેરિકા, બ્રિટન, જાપાન, ચીન અને ભારત સહિત ઘણા દેશોમાં વેક્સિનનાં ક્લિનિકલ ટ્રાયલ ચાલી રહ્યા છે. હાલના છેલ્લા સ્ટેજમાં કુલ ૫ વેક્સિન પહોંચી ચૂકી છે અને શરૂઆતના પરિણામો ઓક્ટોબરમાં આવી શકે છે.