તહેલકો મચાવવા આવી રહ્યું છે હોન્ડા એક્ટિવા હવે ઈલેક્ટ્રીક વર્ઝનમાં, જાણો ક્યારે થશે લોન્ચ

પાછલા મહિનામાં જ હોન્ડા ટુ-વ્હીલર દ્વારા ખુલાસો કરવામાં આવ્યો હતો કે તે ભારતમાં ઈલેક્ટ્રીક સ્કુટર ને લોન્ચ કરવાની યોજના પર કામ કરી રહ્યા છે. હવે જાણકારી સામે આવી રહી છે કે હોન્ડા પોતાના “એક્ટીવા” સ્કુટર ને ઈલેક્ટ્રીક વર્ઝનમાં લોન્ચ કરી શકે છે. હોન્ડા મોટરસાઇકલ એન્ડ સ્કુટર ઇન્ડિયા ૨૦૨૩ સુધીમાં “એકટીવા” ઈલેક્ટ્રીક સ્કુટર લોન્ચ કરી શકે છે. હોન્ડા દ્વારા જણાવવામાં આવ્યું છે કે આગામી ઈલેક્ટ્રીક સ્કુટરને આવતા નાણાંકીય વર્ષ સુધીમાં લોન્ચ કરવામાં આવી શકે છે.

હોન્ડા મોટરસાઇકલ એન્ડ સ્કુટર ઇન્ડિયા નાં અધ્યક્ષ શ્રી અત્સુશી ઓગાટા દ્વારા હોન્ડાની નવી ઈલેક્ટ્રીક સ્કુટર ને લોન્ચ કરવાની યોજનાનો ખુલાસો કરવામાં આવ્યો હતો. ઓગાટા એ કહ્યું હતું કે હોન્ડા એકટીવા વર્તમાન સમયમાં ભારતમાં સૌથી વધારે વેચાણ ધરાવનાર સ્કુટર છે. હોન્ડા માટે પોતાના આગામી એક સ્કુટર માટે આ નામનો ઉપયોગ કરવો તર્કસંગત છે, તેનાથી ગ્રાહકો માટે “એક્ટિવા” બ્રાન્ડ સાથે જોડાઈ રહેવું સરળ બની જશે. કારણ કે એકટીવા બ્રાન્ડનું એક વિશ્વસનીય સ્કુટર છે.

જોકે હજુ સુધી તે સ્પષ્ટ નથી કે હોન્ડા ભારતીય બજાર માટે એક બિલકુલ નવુ ઈલેક્ટ્રીક સ્કુટર વિકસિત કરશે કે પછી આંતરરાષ્ટ્રીય ઉત્પાદન લાઇનઅપ થી પોતાના હાલના ઈલેક્ટ્રીક સ્કુટરમાં સુધારેલા સંસ્કરણનો ઉપયોગ કરશે. વર્તમાનમાં હોન્ડા મોટરસાઇકલ એન્ડ સ્કુટર ઇન્ડિયા ભારતમાં બેનલી (Benly) ઈલેક્ટ્રીક સ્કુટર નું પરીક્ષણ કરી રહી છે અને સ્કુટરને ઓટોમોટિવ રિસર્ચ એસોસિયેશન ઓફ ઇન્ડિયા માં પણ જોવામાં આવ્યું હતું.

બેનલી ઈલેક્ટ્રીક સ્કુટર ની વાત કરવામાં આવે તો હોન્ડા જાપાનમાં ઈલેક્ટ્રીક સ્કુટર ના ૪ અલગ અલગ મોડલ રજુ કરે છે. આ વેરિએન્ટમાં Benly e: I, Benly e: I Pro, Benly e: II, और Benly e: II Pro સામેલ છે. જાપાનમાં બેલી ઈલેક્ટ્રીક સ્કુટર ની રેન્જ મુખ્ય રૂપથી કોમર્શિયલ અને ફ્લીટ સેગમેન્ટમાં લાસ્ટમીલ ડિલિવરી માટે ઉપલબ્ધ કરવામાં આવેલ છે. આ સ્કુટરના પાવરટ્રેન અને હાર્ડવેર નો ઉપયોગ કોમ્પ્યુટર ફ્રેન્ડલી ઈલેક્ટ્રીક સ્કુટર ને પાવર આપવા માટે પણ કરવામાં આવી શકે છે.

જોકે બહેનલી ઈલેક્ટ્રીક સ્કુટર નું પરીક્ષણ પહેલાથી જ થઈ ચુક્યું છે. એટલા માટે એવું માનવામાં આવી રહ્યું છે કે આ ઈલેક્ટ્રીક સ્કુટર આગામી હોન્ડા એકટીવા ઈલેક્ટ્રીક સ્કુટર નો પાયો રાખશે. તે સિવાય હોન્ડાના આંતરરાષ્ટ્રીય ઉત્પાદન પોર્ટફોલિયોમાં અન્ય ઈલેક્ટ્રીક સ્કુટર પણ સામેલ છે. તેમાં હોન્ડા પીસીએક્સ ઈલેક્ટ્રીક અને હોન્ડા જાયરો ઇલેક્ટ્રિક સ્કુટર ની ઘણી રેન્જ સામેલ છે.

હોન્ડા ની પહેલાથી જ ઈલેક્ટ્રીક સ્કુટરનાં ક્ષેત્રમાં મોટી યોજના છે અને કંપનીએ હાલમાં જ બેટરી પેક બનાવવા માટે એક નવી સહાયક કંપનીની સ્થાપના કરી છે. આ નવી સહાયક કંપની નું નિર્માણ ૧૩૩ કરોડ રૂપિયાના રોકાણ થી કરવામાં આવેલ છે.